Mak khi' horat di, de Yudasa. E' de Itmatromni Yesus garni raralamni edade. Ena'enyatga horat di la'a makpesiay totpena nwagahniort ira totpena ir ra'ererma la'a tungkuru-tungkuru mak edon kaplola (nabi palsu) re mak kmai lia makpesiay re mutnu totpena rweyata ir pesiayni. Yudas nala nnio'a-niatu wawa-niat lia ira totpena rtorrer pitpit lia wniatutu mak kaplola me totpena ir pesiayni rla' ga'a, me totpena ir edon rlernohora tungkuru mak edon kaplola re pa rhi'a hihi'a-yapyap miaka yatyata-halala mak edon klol talan la riy makpesiay olekwa.
La'a puk di de rakot nohor emkadille:
1. Wniak kalwieda (1-2)
2. Yudas nwagahniorta makpesiay la'a tungkuru mak edon kaplola re. (3-4)
3. Tungkuru mak edon kaplola re wniehwani-liakatni ne hota rlernan niukamnu. (5-16)
4. Yudas ntekal reria totpena makpesiay re rtorreri pitpit lia pesiayni. (17-23)
5. Yudas nsumbaini totpena na'uli-nawedi Uplerlawna. (24-25)