Mak khorat puka di de Matius, de riy id la maka Yesus ha Nwatutu-nwaye'a re (Mat 9:9-13). La'a puk di ralamni de Matius nakot nohora Yesus niwra Yesus de, ray Daud duratni-waitni mak kla'a Ray Makamori-Kalewna maka Uplerlawna Nano'taru inhatta. La' hade pede la' puk di rakot nohora Yesus emeka ray Daud upni-a'nani la ayat 1:1; 9:27; 12:23; 15:22; 20:30-31; 21:9, 15; 22:41-45.
Matius nakot nohor walia makwohorulu-ktatrulu lirni maka ktutu-kte'ewa la'a Yesus mormiorni ralamni (1:22-23; 2:5-6, 15, 17-18, 23; 3:3; 4:14-16; 8:17; 12:17-21; 13:35; 21:4-5, 16; 26:31; 27:9-10).
La' puk di ralamni de Matius nakot nohora Yesus hihi'ini-yapyapni me wniatutnu-wniaye'eni pa emkadilla:
Rmori Yesus la'pa Nwaga la kniarni (1-4)
Yesus Nwatutu-nwaye'ela wo'or hananni (5-7)
Yesus Nhi' hihi'a-yapyapi mak kamehi-kayona mak ktutga E' ed mak kodi plolli (8:1-9:34)
Yesus Nwatutu-nwaye'a mak klernohor rer E'a na'nama Nhopan doin ir pa rla rakot nohora Kot Kalwieda-Paitiota (9:35-11:1)
Yesus hihi'ini-yapyapni la Galilea mak ktutga E' de Ray Makamori-Kalewna maka Uplerlawna Nano'taru inhatta (11:2-12:5)
Yawalliohora la'a emkameni la Uplerlawna hihi'ini-yapyapni la riy mormiorni maka Enodi plolli pa emeka ir Rayni. (13:1-52)
Yesus hi'ini-yapyapni la' Galilea (13:53-17:27)
Yesus Nakot nohora nhioli-lieta ilu-wniehwa hya'a mak kaplola pa mak klernohor E'a rhi' nana (18)
Yesus Nla'awa Yerusalem, la'pa Enora makden Yahudi re rawahla lira (19-23)
Yesus Nwatut niohora hya' mak hota kmai (24-25)
Yesus Nler la matmiati ralamni na'nama Nmori owa'ana (26-28)